Fabienne LOUSTALET / Patrick BRET-DIBAT
B’ei hauta la montanha
Negada de claror
Majestuosa dauna
De sason en sason (bis)
Lo ser, a ma frinèsta,
Que’t viénes afèitar
Dab las colors de hèsta
D’un estiu qui se’n va (bis)
Hauta, hauta, la montanha ! La montanha
Amiga e companha
Que i a plan, plan longtemps
Qui hès correr las aigas
De milèrs de printemps (bis)
Hauta, hauta, la montanha ! La montanha
E sovent lo nuatge
Viengut d’Espanha enlà
Estanca lo son viatge
Per mei te contemplar ! (bis)
Hauta, hauta la montanha ! La montanha
B’ei hauta la montanha
Deu capulet de nèu
Lèugèra e horta escala
Enter l’omi e lo cèu ! (ter)