Aire libre

(Paraulas F.Dubarry)

Au pè d'aquera massa escura
Negat per l'ompra miaçanta
Los uelhs virats cap a las cimas
Com un captiu cèrca lo clar
Ací baish los turments que deishi
Dessús la còsta que m'avanci
Aquera tèrra empojada
Deu cèu qu'ei lo portau d'entrada.

Ò mon pais, ò ma montanha
Jamès sadoth de saunejar
Que cerqui las aiguetas vivas
Per los sendèrs d'amontanhada.

Per los cortaus de pèira grisa
Que lo vent a tot doç bailina
Per los tropèths de oelhas blancas
Qui esquerrejan au solan
En tot seguir la mia ahida
Capsús horquetas e valeas
Las mias alas que m'empòrtan
Lo còr gaujòs a l'arrajòu.

Quan dens lo cèu lo votre vire
Que gaitarèi sa caminada
Lo còr en dòu de plan compréner
Qu'ei lo senhau entà partir
Lavetz que seguirèi lo gave
De qui s'en va tà la mar grana
S'entenetz soar la campana
Mon amna serà liberada

Fermer