(Joëlle G. Lacoste, Cristina de Bailina)
Quan lo printemps s'esvelha
Quan verdejan los prats
Quan los ausèths paradan
Quan floreshein las vaths
La natura encantada
Perhuma los sendèrs
E los còrs renavits
Cantan au sorelh.
Arrepic :
Canta irongleta
E canta l'aigueta
Canta poqueta
Mainats a l'escòla
E òmis au tribalh
Cantatz jòias, penas
Cantatz e hestejatz
Quan la nueit estelada
Esclareish los camins
Quan los bròcs e las sègas
Balhan los fruts d'estiu
La sofrença e los dòus
Los regrets esvanits
E esmavuts los còrs
Cantan sovenirs.
Quan eth abòr apèra
Eths tropèths a capvath,
Quan eth sò encalina
Eths arbes escarlats,
Quan eth vent e'ra ploja
Deras huelhas s'arrin
E atristats eths còrs
Cantan arrepics.
Quan eth ivèrn apièla
Era nèu sus eths camins,
Quan era lutz argenteja
Eths tèits e eths sapins,
Ena patz e calor
Près deth huec reünits
E atrendrits eths còrs
Cantan sovenirs.
Arrepic :
Drom irongleta,
Adrom-te aigueta,
Drom ma poqueta,
Mainats ena braça,
E òmis a costat,
Cantatz jòias, penas,
Cantatz e puish aimatz.