(Pascal Caumont, Jean-Claude Coudouy)
Sendèrs de tèrra nera
Prova sus lo camin
Los uèlhs lhevats luenh d'acà
Luseishen las estelas
Las vias alandant
Òmi b'ès petit o gran, petit o gran ?
Tèrra mair verda e blua
Qui a tots òmis neureish
Per son bèth còrs qu'esloreish
Sasons, aires e aigas
Devarant deus somius
Hè vàder tot çò qui viu, tot çò qui viu
Mès negrejant natura
Òmis desinspirats
Cercatz moneda shens patz
Vida tibada e dura
L'èime tan maluròs
Sona vueit e envejòs, e envejòs
E pausat sus la tèrra
Jogant tot ataisat
Per l'aire e l'arbo jumpat
L'enfant dret sus la pèira
Consola lo mau vielh
Doman be serà sorelh, serà sorelh
Ondas de la hont vielha
Bailinan lo mainat
Peus moviments avivat
Briuleja aiga fresqueta
Eth l'audish en jogar
Lo cant navèth troberà, be troberà