Montanha sauvatja

Jo que canti la montanha,
Se'm voletz viéner aidar
Que haram ua cantada,
Tot autorn deth cujalar
Que'v ensenharèi a mòlher
E tanben a hromadjar
E quan age la retrèita,
Que'm vienratz a remplaçar.

D'aquera montanheta,
Qui coneishem tots dus
Que sembla ua planeta,
Que cau pujar capsùs
N'ei pas tròp frequentada,
Non n'i a pas nat camin
Que demora sauvatja,
Çò qui volem açì­.

Lo mié pair que l'aimava,
Que l'aimi jo tanben
E quan garrapetavi,
Qu'abi lo gran plaser
Dessùs d'aquera pena,
Non manca pas arren
On gardi mas aulhetas,
Deu matin dinc au ser
Lo baniei e la brana,
Tanben lo menudet
Au miei de la genciana,
Peishen lo serpolet.

Fermer