(F Loustalet/JN Barraqué-Curié)
Coneishi un camin
Sombrejat de verdura
Un tot petit camin
Qui n'a pas tròp d'alura
Que hè lo timidòt
Enter dus milhocars
E qu'ei tant estretòt
Qui cau cercar son traç
Petit camin deu Lu
Amic de las vacanças
Cap un tròç de cèu blu
Qu'ès tostemps en partança
Tà plan jogar lo jòc
Cau barrar las perpèras
E tot com autes còps
Aimar la descobèrta
Dab los uelhs de mainat
Cercar hens cada clòt
Un tresòr enterrat
O un nit d'auseròt
B'ei beròi lo camin
Sombrejat de verdura
Un tot petit camin
Qui n'a pas trop d'alura
Mès se i trobatz arrès
Tà poder batalar
Que serà en biarnés :
- Adishatz ! e quin va ?