Ath som d'ua montanha
En un endret desèrt
Ena mia cabana
Qu'i passi eth ivèrn
Ací sòi solitari
En gardant lo tropèth
De cap era Hisheta
Ath som deu malh d'Àrreu
Mon Diu quina tristessa
E qu'ei lonca la nueit
En temps dera joenessa
D'i demorar solet
La nèu qu'ei devarada
E l'arriu s'ei torrat
Lo vent dera montanha
Que shiula tà capvath
Que pensi berogeta
Ath tués beròis uelhons
Que revi sharmanteta
De hèr-te dus potons
En temps de primevèra
L'ivèrn vira lo cap
Que tornarèi bruneta
L'amor que cantaram
Mès l'amor n'ei qu'un sontge
Batlèu ei arribat
Atau se'n va lo monde
Tant viste en ei anat
Non desmombres pas aulhèr
L'apèu dera montanha
Valerà tostemps tant mélhor
Qu'un còr d'ua companha
Sietat près de l'arriu
As entenut l'apèu
En aqueth ser d'abriu
Aulhèr deu malh d'Àrreu