(Baptiste Labenne)
E la coneishetz la bruneta ?
Be'n soi uròs, l'èi encontrada
L'espiar pregond, un drin secreta
Lo doç arrisèr d'ua hada
Que m'a causit...
E la coneishetz la bruneta?
Be'n soi uròs, l'èi embrassada
Un ser d'estiu, qu'èra la hèsta
Deu paradis que l'ei panada
Tot engaudit...
E la coneishetz la bruneta ?
Be'n soi uròs l'èi maridada
La bèra nòvia, lusenta
Tostemps que serà mon aimada
L'anèth au dit...
E la coneishetz la bruneta ?
Soi maluròs, se n'ei anada
Diu qu'a ua navèra esteleta
Non sonarèi pas mei l'aubada
Tot esmudit...
La haut que't vienerèi cercar
De cap tau cèu que voi anar
E l'amor que se'n tornarà...